20.2 C
Ohrid
четврток, јули 3, 2025
ПочетнаМакедонијаВладата повторно се предомисли: Газдите кои ги избркаа работниците, скршен денар нема...

Владата повторно се предомисли: Газдите кои ги избркаа работниците, скршен денар нема да земат.

spot_imgspot_imgspot_imgspot_img
spot_img

Под притисок на јавноста, Владата пак се предомисли. На денешната седница пак ја измени Уредбата, корегирана само пред два дена со која им дозволи на газдите кои ќе користат државна помош од 14.500 денари за исплата на априлската и мајската плата да можат да отпуштат до 15 проценти од работниците во зависност од големината на фирмата.

<

Сега пак го враќа старото правило – газдите да не смеат да го намалат бројот на вработени во месец април, како и два месеци после нејзиното престанување, односно до крај на јули освен во случаеви кои им ги дозволува законот – како пензионирање, смрт на работник, отказ од работникот или од работодавецот ако работникот ги прекршил редот и дисциплината и слично.

А се овозможува компаниите и ретроактивно да ги вратат на работа и тие на кои им дале откази.

„Работодавачите кои ќе се согласат на ретроактивно вработување на лицата на кои им престанал работниот однос во периодот од 11 март до 30 април, тоа ќе можат да го направат до 7 мај, и на тој начин да ги исполнат критериумите за да се стекнат со правото на користење на мерката за финансиска поддршка за исплата на платите за месеците април и мај“- соопшти Владата.

Уредбата повеќе пати претрпе измени, во зависност од тоа чиј притисок беше поголем. Владата прво падна на апелите на бизнисот дека не можат да гарантираат дека ќе ги задржат работниците до септември, па ја измени уредбата и рокот беше до јули. За потоа пак под притисок на бизнисот да овозможи да можат да ја коористат мерката иако отпуштиле одреден процент раборници. Но, откако се кренаа синдикатите и здруженијата на граѓани, пак ретерираше и пак ја врати забраната за откази. Инаку компаниите кои сакаат да ја користат државната помош требаше да почнат да аплицираат од денсека 1-ви, а заклучно со 7 мај.

А дека корона кризата го зеде данокот и на пазарот на труд стигна потврда и од Агенцијата за вработување. „Телма“ дознава дека само во април 6.752 лица изгубиле работа. Со ова вкупно за двата месеци додека трае кризата речиси 8.700 лица останале без работа. Бројките за април се уште не се официјално објавени, но за „Телма“ ги потврди Директорката на Агенцијата за вработување Билјана Јовановска. Дознаваме и дека голем дел од работниците кои изгубиле работа биле приморани да потпишат спогодбени откази, а со тоа не можат да земаат надоместок од Агенцијата.

Владата нив им нуди социјална заштита односно гарантиран минимален доход, каде се бројат приходите на целото семејство.

Синдикатите бараа од Владата овие лица кои се отпуштени за време на кризата по било кој основ, да можат да земаат надоместок од Агенцијата за вработување, но се уште се чека владината одлука.

Инаку сега вкупната бројка на невработени во април се искачи на 114.776 лица, бројка која сме ја немале од почетокот на 2016-та, од кога невработеноста почна да паѓа.
телма

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

После 137 години во Гостивар ќе ЗАЅВОНАТ ЅВОНАТА ВО ДУХОТ НА ХРИСТИЈАНСТВОТО на уште еден црковен храм.

После 137 години во Гостивар ќе ЗАЅВОНАТ ЅВОНАТА ВО ДУХОТ НА ХРИСТИЈАНСТВОТО на уште еден црковен храм, а со тоа ќе означат едно ново време,...

И оваа година, хуманитарна трка со гумени Патки во Струга !!

Струга повторно плива во хуманост: Трка со пластични патки на 1 август оваа година, на 1-ви август, Струга ќе биде домаќин на хуманитарната...

Минчев: 40 проценти од Административците или ништо не работат или бараат начин да не дојдат на работа

40 проценти од административците или ништо не работат или бараат начин како да не дојдат на работа, открива министерот за јавна администрација Горан Минчев,...

Денеска сите патишта водат кон манастирот „Свети Наум“ во Охрид.

Денеска сите патишта водат кон манастирот „Свети Наум“ На 3 јули (по нов стил), македонскиот народ го празнува летниот празник на Свети Наум Охридски,...