4 C
Ohrid
петок, февруари 26, 2021
Почетна Македонија Владата одлучи: Функционерите ќе може да патуваат во странство, без потоа да...

Владата одлучи: Функционерите ќе може да патуваат во странство, без потоа да одат во карантин

Translate (Eng):[gtranslate]

Во рамките на новите мерки на Владата, усвоени на последната владина седница, се дозволува избрани и именувани лица, претставници на институциите на државата, да можат да патуваат во други држави, со запазени мерки на заштита, заради активности поврзани со координација на активности од државен карактер.

Владата заклучи дека може да се дозволи патување во странство на избрани и именувани лица во странски држави со почитување на препораките и протоколите на Комисијата за заразни болести, за одржување на потребно растојание, носење на лична заштитна опрема. Заради координации и други работни активности, поврзани со мерките за Ковид-19, како и поради други итни причини кои не трпат одлагање без спроведување на овие лица во државен карантин, по нивното враќање во државата, рече Спасовски.

И натаму останува во сила одлуката со која, сите државјани на државата, при враќањето од странство од земјите кои се со висок, среден или низок ризик, да бидат спроведени во државен карантин каде треба да останат по 14 дена. Објектите каде ќе се спроведува државниот карантин ги чува полицијата и Армијата.

РЕКЛАМА

република

- Реклами -