8.8 C
Ohrid
среда, март 3, 2021
Почетна Македонија 100 ГОДИНИ „ТРЕБЕНИШТA“ ВИРТУЕЛНО И ВО БЕЛГРАД

100 ГОДИНИ „ТРЕБЕНИШТA“ ВИРТУЕЛНО И ВО БЕЛГРАД

Translate (Eng):[gtranslate]

Со виртуелната изложба „Требениште“, Народниот музеј од Белград ја одбележува 176-годишнината од своето основање, пишува Нова Македонија.

Таа може да се погледне на неговата веб-страница, а од музејот, по повод јубилејот на 10 мај, посочуваат дека станува збор за меѓународниот изложбен и истражувачки проект „Требениште“, со кој, по повеќе од сто години од откривањето на истоимената некропола кај Охридско Езеро, првпат се обединети археолошките наоди што се чуваат во Археолошкиот музеј во Софија, во Археолошкиот музеј на Македонија, во Музејот во Охрид и во Народниот музеј во Белград, како и истражувањата на стручните лица од Бугарија, Македонија и од Србија.
Виртуелната изложба е подготвена со експонатите од Народниот музеј во Белград, а ваквиот вид посета се реализира поради пандемијата на коронавирусот, која сѐ уште трае.
Народниот музеј во Белград се смета за најстар државен музеј во Србија, основан со указ на тогашниот министер за просвета, писателот Јован Стерија Поповиќ, каде што денес се чуваат и документираат повеќе од 450.000 музејски предмети. На неговата веб-страница во овој период, освен „Требениште“, се и уште две нови виртуелни изложби: слики на Влахо Буковец (од музејската колекција) и изложбата „Слики од Балканот“ на Паја Јовановиќ.
Речиси пред два месеци, на средината на март, Археолошкиот музеј на Македонија прв ја понуди по виртуелен пат посетата на, како што ја нарече, „најексклузивната интернационална изложба на овие простори – 100 години Требениште“, која во неговите простории во Скопје, на свечен начин, со присуство на многу луѓе, беше отворена лани на 15 март.

Градоначалникот на општина Дебрца, Зоран Ногачески пак по овој повод на својот фејсбук профил напиша:

РЕКЛАМА

– Во оваа пригода сакам да споделам дека преку Центарот за развој на Југозападниот плански регион, Програма за рамномерен регионален развој за 2020 година се обезбедени 2.500.000 денари за првата фаза од реконструкцијата на задружниот дом во село Требеништа и негова адаптација во Културно-изложбен центар на општина Дебрца, во кој ќе бидат претставени археолошките откритија од Требенишкото Кале , Требенишката Некропола и од другите археолошки локалитети во општината, напиша Ногачески.

Публицитет.мк

- Реклами -