20.9 C
Ohrid
недела, јуни 1, 2025
ПочетнаСветГрчките плажи преполни со капачи, се прави и дезинфекција на лежалките и...

Грчките плажи преполни со капачи, се прави и дезинфекција на лежалките и чадорите.

spot_imgspot_imgspot_imgspot_img
spot_img

Речиси двомесечниот карантин, со забраната за движење на граѓаните, во комбинација со рекордно високите температури и топлото време, ги наполнија плажите во Грција, кои наликуваат како да е средина на август, а не средина на мај, јави дописничката на МИА од Атина.

<

Од рано утрово, на голем дел од организираните плажи во Атина, има редици за влез, додека пак до пладне некои беа веќе преполни.

Во текот на вчерашниот, прв ден од отворањето целосно се почитуваат сите правила и прописи, како од сопствениците и менаџерите на плажите, така и од посетителите, а тоа, вчера го констатираа и министерот и заменик-министерот за развој на Грција при нивната посета на една од плажите во близина на Атина.

Адонис Георгиадис и Никос Папатанасис рекоа дека „се е под конец“ и им се заблагодарија на граѓаните за дисциплината и придржувањето кон мерките.

И додека на организираните плажи, иако исполнети до последна лежалка, се почитуваа правилата, на слободните градски плажи, кои што се бесплатни имаше турканици, а во одредени случаи, не се одржуваше потребното растојание.

Турканици, според фотографиите објавени на социјалните мрежи, вчера имаше и во јавниот превоз во Атина.

Иако е задолжително носењето на маска, во спротивно следува казна од 150 евра, и автобусите треба да возат со 50 отсто од капацитетот, според фотографијата споделена на „Твитер“, а објавена и од грчките медиуми, овие правила не се почитувале во автобусот што сообраќа до плажите во Атина.

Несвојствено високи температури во Грција беа измерени и во текот на вчерашниот ден, но и утрово, според Националната опсерваторија во Атина.

Највисоката температура, вчера беше измерена во градот Ираклио на островот Крит- 41.8 степени Целзиусови, 40 на неколку места на Пелопонез и 39,3 во населба во северниот дел на Атина.

Слична е прогнозата и за денешниот ден од 39 до 41 степен во повеќе делови на земјата, додека пак речиси на сите плажи, според истите прогнози, условите во морето се идеални за капење.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Ексклузивно: Пејачката Марија Луиса доживеа тешка сообраќајна незгода, момeнтално е хоспитализирана

Како што дознава Шило Магазин од своите канали познатата пејачка Марија Луиса доживеала сериозна сообраќајна несреќа денес во Скопје. Според првичните информации, инцидентот се...

Две охриѓанки се кубеле за коси, против нив ќе биде поднесена соодветна пријава.

На 31.05.2025 година во 18.35 часот, , на улицата „Винковачка“ во Охрид, нарушен е јавниот ред и мир со карање и тепачка помеѓу Д.К.(63)...

Филипче: Да си ја земеме државата назад, да ја вратиме на вистинскиот пат !!!

Претседателот на Социјалдемократскиот сојуз на Македонија, Венко Филипче, на трибина на Социјалдемократската младина на Македонија во Струмица, посочи дека Владата предводена од ВМРО-ДПМНЕ е...

ЕФА бара Бугарија да го признае македонското малцинство

Кршењето на правото на здружување и мирно собирање, говорот на омраза и дискриминацијата на која се изложени Македонците во Бугарија се засноваат на националистичката...