4 C
Ohrid
петок, февруари 26, 2021
Почетна Македонија Венко Филипче: Се спремаме за вториот бран на коронавирусот, се опремуваат одделенијата...

Венко Филипче: Се спремаме за вториот бран на коронавирусот, се опремуваат одделенијата за интезивна нега.

Translate (Eng):[gtranslate]

Одделенијата за интензивна нега во здравствените установи низ земјава се опремуваат и зајакнуваат, во пресрет на вториот бран кој се очекува наесен, најави министерот за здравство Венко Филипче. Според него, сите досегашни студии покажуваат дека вирусот ќе има втор бран.

„По констултации со повеќе земји и со Светската здравствена организација (СЗО) се подготвуваме за вториот бран. Започнуваме голема инвестиција во здравствениот систем и ги зајакнуваме одделенијата за интензивна нега. Ќе го дочекаме бранот наесен целосно подготвени“, кажа Филипче.

Според него, вирусот е присутен, никој не е имун, и ќе биде тука сѐ додека не се стекне колективен имунитет.

РЕКЛАМА

Министерот кажа дека ќе им се додели парична награда на сите здравствени и нездравствени работници кои биле директно вклучени во борбата со коронавирусот и кои биле во близок контакт со заболени лица од КОВИД-19. Тие ќе добијат зголемување на основната плата за 20 проценти во период од два месеца.

„Никој нема да биде изоставен. Информација за начинот на исплата ќе обезбеди Министерството за финансии“, додаде тој.

ДВАЈЦА ПОЧИНАТИ И 22 НОВИ СЛУЧАИ НА КОВИД-19 ОД 533 ТЕСТОВИ
Б. НЕСТОРОСКА

сдк.мк

- Реклами -