17 C
Ohrid
четврток, мај 28, 2020
Почетна Свет Кинезите се сигурни дека лекот за корона ќе го има до крајот...

Кинезите се сигурни дека лекот за корона ќе го има до крајот на оваа година.

Translate (Eng):[gtranslate]

Кинеска лабораторија развива лек за кој верува дека може да спречи пандемија на коронавирус и да биде подготвена за масовно производство подоцна оваа година.

Лекот базиран на антитела, развиен на престижниот универзитет во Пекинг, го скратува времето на закрепнување на пациентите со КОВИД-19, но исто така создава краткорочен имунитет на вирусот, велат истражувачите.

Суни Кси, директор на Универзитетскиот иновативен центар за геномика, посочува дека лекот се покажал како успешен кај животните.

РЕКЛАМА

Кси исто така рече дека количината на вирус кај заразените глувци е значително намалена откако им биле вбризгани неутрализирачки антитела.

Ова покажува дека потенцијалниот лек има и терапевтски ефект.

Лекот користи неутрализирачки антитела произведени од човечкиот имунолошки систем за да спречи вирусот да влезе во клетката. Антителата биле изолирани од крвта на 60 обновени пациенти.

Напис за истражувањето беше објавен во научното списание „Cell“. Кси посочува дека неговиот тим барал антитела „дење и ноќе“.

Тој додаде дека лекот треба да биде подготвен за употреба подоцна оваа година, на време за можен втор бран на пандемијата во зима. Во моментот се заразени со коронавирус 4,8 милиони луѓе, а над 315.000 починале.

Планирани се клинички испитувања, рече Кси, додавајќи дека ќе се спроведе во Австралија и во други земји, бидејќи бројот на заболени во Кина брзо се намалил.

Се надевам, неутрализирачките антитела ќе станат специјализиран лек што ќе ја сопре пандемијата, рече тој.

Кинески службеник за здравство минатата недела изјави дека Кина веќе тестирала пет потенцијални вакцини врз луѓето.

Но, Светската здравствена организација предупредува дека развојот на вакцините ќе трае помеѓу 12 и 18 месеци.

Научниците исто така укажуваат на потенцијалната придобивка на крвната плазма на обновени пациенти кои развиле антитела на коронавирусот.

Повеќе од 700 пациенти добиле плазмена терапија во Кина, а властите тврдат дека се покажало дека е многу добра терапија.

Но, плазмата е со ограничена количина, посочува Кси, додавајќи дека лекот на кој работи, може брзо да премине во масовно производство.

Новиот лек може да создаде краткорочен имунитет што беше потврдено со тестови на глувци. Тоа може да им обезбеди на здравствените работници привремена заштита со недели или дури и месеци, рече Кси.

Во моментов се развиваат повеќе од стотици вакцини ширум светот, но процесот бара многу повеќе отколку развојот на лекови.

Кси се надева дека лекот на неговиот тим ќе биде побрз и поефикасен начин за запирање на пандемијата.

локално

- Реклами -