Предлогот на Комисијата за заразни болести за полициски час за време на продолжениот викенд предизвика дијаметрално спротивни реакции. Едни велат потребни се строги мерки за спречување на коронавирусот, додека други се противат на тридневен карантин во време кога се најавува отворање на кафеаните.
Комисијата за заразни болести ѝ предложила на Владата карантинот за време на продолжениот викенд да почне од сабота од 19 часот и да трае до 5 часот наутро во вторник. Владата треба да донесе одлука денеска или утре дали ќе има уште еден продолжен викенд во карантин од 58 часа. Досега не се случило Владата да не прифати препорака на Комисијата за заразни болести.
В сабота завршува рамазанскиот пост и муслиманите в недела го прославуваат Рамазан Бајрам. В недела, исто така, е Свети Кирил и Методиј, а понеделник е неработен ден. За Бајрам луѓето обично одат на гости и се собираат на семејни ручеци, а токму семејните прослави и собирања во изминатите денови беа причина за зголемување на бројот на заболени од коронавирусот.
слобода европа
