Доцна во ноќта додека градот спиеше во 2.43 часот зачука срце. Во Република Македонија, на Универзитетската Клиника за Државна Кардиохирургија се направи прва трансплантација на срце, напиша на Фејсбук д-р Кристијан Бундовски, специјализант по васкуларна хирургија.
– Вредните раце и паметните глави на нашите врвни стручњаци на чело со Проф. др. Сашко Јовев, во оваа вонредна состојба направија чудо….испишаа историја !! Во услови на пандемија, во услови на страв, во услови на безнадежност … победи хуманоста и љубовта. Победи цената за сите оние непреспиени ноќи над книга, победи секоја солза и тага за загубен живот, победи вистинска посветеност, да се биде ! Хируршкиот тим со извонредна професионалност, прецизност и внимание го изведе ова ремек дело, a кога би ги претвориле сите оние милиметарски потези во ноти, во операционата сала број 2, оваа ноќ свиреше симфонијата „Живот”!
Честитки Господа !!!, напиша докторот.
Ова е прва операција на трансплантација на срце во Македонија од починат донор и ја изведоа тим доктори кардиохирурзи и анестезиолози, Професор д-р Сашко Јовев од државната кардиохирургија, д-р Жан Митрев од „Жан Митрев Клиник“. професор д-р Александар Николиќ кардиохирург од Клиничката болница „Аџибадем Систина“ и шефот на Одделот за анестезија д-р Димче Славески, специјалист по анестезиологија со реаниматологија од „Аџибадем Систина“.
https://www.facebook.com/kristijan.bundovski.1/videos/1576507985858518/?t=3
