Минаа три месеци откако го дијагностициравме првиот пациент со Ковид-19. Сега после три месеци сме на една раскрсница: дали постепено да го враќаме животот во нормала и граѓаните да се придржуваат до мерките за дистанца и заштита или пак, доколку мерките не се почитуваат агонијата да продолжи и после неколку месеци повторно да воведуваме ресткритни мерки.
Три месеци интензивно работиме и се справуваме со коронавирусот, факт е дека вирусот нема да помине сам од себе, ние мора да научиме да живееме со него. Првата битка е добиена, но борбата трае и ќе трае. Мора да се заштитиме, задолжително носење на маски, но многумина не ги почитуваат мерките, дури и не веруваат во него, рече министерот за здравство, Венко Филипче, на денешната прес-конференција.
