„За нас Емилија се уште е жива“, ова беа зборовите на сопругот Миле кој во Дојран ја пречека телевизиската екипа на локалната телевизија ТВ Вис.
Помислата дека нејзиното срцето чука во нечии гради сега е утеха за најблиските на Емилија Динева. Како што било договорено, Миле со тв екипата требало да се видат во Дојран, а кога пристигнале и рекол дека се на вечното почивалиште на Емилија.
Скрешени од болка го уредуваат вечниот дом на Емилија и не можеше да собере сили да зборува пред камерата. Како што се наведува, кобниот момент се случил на 18. мај откако Емилија се обидела да вози мопед, но изгубила контрола и удрила во бетонска ограда.
Сопругот Миле вели дека лекарите дале се од себе, но изгледите не биле на страна на Емилија. Им ја соопштиле ситуацијата каква и е и можноста да се донира нејзиното срце и бубрези. Заедно со синот и ќерката одлучиле да спасат три животи.
Сопртугот Миле со тага, но и со гордост откри дека Емилија била хумана, среќна личност. Обожавала се да е уредено околу нејзе. Токму затоа сака нејзиното вечно почивалиште да биде онакво какво што таа се трудела да биде нивниот дом и дворот.
