5.2 C
Ohrid
вторник, март 2, 2021
Почетна Македонија Доколку сакате да пиете кафе со себе да носите лична карта и...

Доколку сакате да пиете кафе со себе да носите лична карта и да му ја покажете на келнерот за легитимација.

Translate (Eng):[gtranslate]

Директорот на Државниот пазарен инспекторат, Стојко Пауновски, на денешната прес-конференција истакна дека персоналот на кафулињата и рестораните има право да ги легитимира гостите за да знае дали се од исто семејство.

Тој вели дека келнерите имаат легитимно право да побараат лична карта за идентификација во угостителските објекти за да биде исполнет условот за седење на повеќе од две лица на една иста маса.

– Ние немаме обврска да ги контролираме граѓаните. Келнерите или сопствениците на кафулињата и рестораните треба да им бараат лична карта. Дали има двајца или повеќе гости на една маса е одговорност на локалот. Затоа угостителите нека си обрнат внимание како работат и дали ги почитуваат сите протоколи – рече Пауновски.

РЕКЛАМА

Пратеничката и потпретседателка на СДСМ, Фросина Ременски, пак, на Фејсбук реагираше дека не смее да се дозволи неовластени лица да легитимираат граѓани во локали.

„Келнер или сопственик на локал може да побара лична карта од лице само ако се сомнева дека станува збор за малолетник кој нарачува алкохол! Во ниту еден друг случај! Со протокол не може и не смее да се доделува овластување на лица кои не се со закон овластени да легитимираат граѓани! Со вака доделеното овластување за легитимирање и идентификација на лица и релации (сродство) со протокол можат да се прекршат повеќе права на граѓаните за цели кои можат да бидат непознати!Мора да се преиспита и да корегира ова“, напиша Ременски.

- Реклами -