Новинарот и уредник во телевизијата Телма Боби Христов најави дека ќе поднесе кривична пријава против двајца владици на МПЦ-ОА Тимотеј и Партениј за организирање на Литијата во Струга.
“Вака сега, гневот е голем. А јас ќе направам преседан што не сум го направил, оти како последна будала терам принципи. Па иако овие статуси се со строго ограничена публика, изјавувам дека :
За Литијата – ако ОЈО Струга не поднесе кривична за Тимотеј и Партениј, јас ќе поднесам!!! Кој е искрен во се што напишал може да ми се придружи. И уште една за одговорните во МВР !!!
Спремна е и аргументирана !!!
Ќе ја поднесам, макар после на тезга продавал компири – оти како новинар не би смеел и ова да го напишам, ама како граѓанин можам.А можеби и како новинар можам, оти не е пристрасност туку прашање на општо добро!!!
И ќе чекам да видам кој ќе се нареди на баци рака на хиротонија !!!”, пишува Христов на Фејсбук.
Христов е долгогодишен новинар во повеќе македонски медиуми а е сопруг на поранешната новинарка Лидија Јанчовска Христова која сега е советник на министерката за одбрана Радмила Шеќеринска.
На објавата на Христов реагираше свештеник на МПЦ-ОА
Презвитер смета дека уредникот провоцира омраза.
Свештеникот смета дека како јавна личност премногу јавно ги искажувал своите анти православни ставови.
“Го читам новинарот Боби Христов ќе поднесувал приватна тужба за Литијата во Струга? Зошто – не кажува… Најверојатно смета дека најновите случувања со вирусот, зголемувањето на бројот на пациенти, се поврзани со Литијата…
Ако го сретнете, кажете му :
1. Дека Литијата беше на 7 мај, пред 22 дена !!!
2. Дека во Струга и околината, оттогаш немаше значително зголемување на новозаболени (во моментот се 9, да се живи и здрави)
3. Дека тужбата треба можеби да си ја упати на друга адреса, можеби кон нешто посвежо
4. Ама очигледно нема храброст
5. Дека како јавна личност премногу е очигледен во антиправославните ставови.
6. Не дека нема право, “се ние дозволено”, вели Светото Писмо, ама и додава “дека не ни е се од полза”
7. Но како јавна личност има одговорност за тоа дали со својот јавно изнесен став “мотивира” омраза, нечија некаква акција против итн.
8. Дека новинарската професионалност за него е само термин.
9. Нека е жив и здрав”, пишува Митевски до уредникот во Телма.
