5.3 C
Ohrid
недела, март 7, 2021
Почетна Македонија На инспектори од ДПИ им било забрането да направат надзор, од локалот...

На инспектори од ДПИ им било забрането да направат надзор, од локалот излегол лидер на партија

Translate (Eng):[gtranslate]

Раководителката на Инспекциски надзор одделение Скопје, Мери Проја Продановска, вечерва одржа прес-конференција на Боемска улица во Скопје на која изјави дека инспекторите од Државен пазарен инспекторат, денеска околу 18:30 часот биле спречени да направат контрола во внатрешниот дел во угостителски објект, на оваа улица, со образложение дека угостителскиот објект е од затворен тип и нема гости внатре. Сепак на излегување, кога се вратиле по 2,5 часа виделе дека оттаму излегува лидер на политичка партија. Иако Продановска не спомена име, сепак претходно медиумите објавија дека станува збор за Христијан Мицкоски.

„По два и пол часа се вративме и повторно не нè пуштија да направиме надзор. Од угостителскиот објект излегол лидер на политичка партија“, рече Проја Продановска.

Таа најави дека против угостителскиот објект, односно економскиот оператор ќе биде поднесена кривична пријава по членовите 205 и 206 бидејќи се обавувала дејност во објектот и за спречување на инспекциски надзор.

РЕКЛАМА

Порака до сите, граѓани, политичари, претставници на верски заедници. Ситуацијата да се сфати сериозно. Залудно излегуваме на терен ако свеста е на ниско ниво”, додаде инспекторката.

- Реклами -