На Нов Зеланд го елиминираше преносот на коронавирус на домашен терен и земјата ќе ги укине сите мерки, освен ограничувањата на границите, рече денес премиерката Џасинда Ардерн, со што земјата е една од првите во светот што го стори тоа, пренесе Ројтерс.
Владата ќе ги укине мерките за физичко дистанцирање во понеделник на полноќ, рече Ардерн на прес-конференцијата.
Јавните и приватните настани ќе можат повторно да се одржуваат, а продавниците, угостителството и целиот јавен превоз ќе може да работи без мерките за физичко дистанцирање, кои сè уште се во сила во повеќето земји.
„Иако ситуацијата е посигурна и подобра, сè уште не постои лесен пат за животот пред ковид-19, но решеноста и фокусот на здравствениот одговор сега ќе се фокусираат на економската обнова“, рече Ардерн.
„Иако сè уште не ја завршивме работата, не оспоруваме дека ова е пресвртница. Затоа можам да завршам едноставно: Благодарам, Нов Зеланд“, рече премиерката.
Таа пацифичка држава со околу 5 милиони жители ја надмина пандемијата, додека големите економии како Бразил, Велика Британија, Индија и Соединетите Држави сè уште се борат против вирусот.
„Убедени сме дека сега го елиминиравме вирусот на Нов Зеланд, но елиминацијата не е прашање на време, туку на постојан напор“, истакна Ардерн.
Ограничувањата на границите заедно со изолација и карантин остануваат во сила, додаде таа.
Вирусот пристигна во земјата кон крајот на февруари, а сега нема активни случаи, соопшти Министерството за здравство. Нов Зеланд пријави 1.154 заразени лица и 22 починати од ковид-19.
Министерството за здравство, сепак, е претпазливо со прогласување победа над вирусот. Тие истакнуваат дека елиминацијата не значи дека вирусот е „трајно искоренет“, туку дека е запрен „ланецот на пренос“, во моментот кога последното заразено лице ја напушти изолацијата.
Исто така, земјата мора „ефикасно да го спречи или ограничи секој иден случај увезен од странство“, се додава во соопштението.
- Понеделник е 17 ден да нема новозаразени во Нов Зеланд.л
