24.4 C
Ohrid
понеделник, август 2, 2021
Почетна Свет Курти ќе основа партија и во Македонија- Се прошируваме на сите албански...

Курти ќе основа партија и во Македонија- Се прошируваме на сите албански територии

Translate (Eng):[gtranslate]

Лидерот на движењето самоопределување (ВВ) и доскорешен премиер на Косово Албин Курти најави дека неговата партија наскоро ќе дејствува како политички субјект и во Македонија.

На денешниот собир по повод 21-годишнината од ослободувањето на Косово и 15-годишнината од основањето на ВВ, Курти изјави дека „Самоопределување ги освои срцата“ на сите Албанци во сите албански средини во регионот.

– Ние го имаме нашиот центар во Албанија, а од денеска ја покренуваме иницијативата за основање на Движење самоопределување и во Македонија, порача Курти на крајот од својот говор пред неколку илјади граѓани на собирот на плоштадот „Скендербег“ во центарот на Приштина.

РЕКЛАМА

Според доскорешниот косовски премиер, неговата партија „веќе е порасната и проширена на сите албански територии“.

– Самоопределување ќе има и во Албанија, во Македонија, во дијаспората и насекаде. Во Косово набргу ќе има избори и ВВ ќе го добие мнозинството гласови, рече Курти, порачувајќи дека сета власт во Косово ќе ја има неговата партија.

- Реклами -