19.9 C
Ohrid
недела, јуни 8, 2025
ПочетнаМакедонијаВечерва во 19.30 часот владина седница, ќе се бара нова вонредна состојба...

Вечерва во 19.30 часот владина седница, ќе се бара нова вонредна состојба !!!

spot_imgspot_imgspot_imgspot_img
spot_img

СДСМ и ВМРО – ДПМНЕ и денеска успеаја да не го договорат датумот за избори кој би бил прифатлив и за власта и за опозицијата. Поради ова, владата закажа седница која ќе започне вечерва во 19.30 часот. Ќе се одлучува дали ќе испратат нов предлог до претседателот Стево Пендаровски за продолжување на вонредната состојба. Тоа значи дека 5 јули веќе отпаѓа како датум за избори. Лидерот на СДСМ, Зоран Заев, денеска посочи дека 8 – ми јули е последната отстапка која ја прави во врска со утврдување на денот на изборите.

<

„Еве отстапувам од 5 јули и се согласувам изборите да бидат на 8 јули, среда, каде во понеделник и вторник ќе гласаат болни и изнемоштени, нашите граѓани во самоизолација или позитивните коишто се во болниците или дома, а ќе се вклучат да гласаат и сите хронично болни, повозрасните луѓе и други. Само заедно да обезбедиме учество на изборите, да учестува опозицијата, а сепак тоа да е во разумен рок.“, изјави Зоран Заев, Претседател на СДСМ.

Но, техничкиот премиер Оливер Спасовски порача дека нема потреба од продолжување на вонредната состојба. Петти јули, како што рече, бил зацементиран за избори.

„Институциите имаат капацитет на денот на изборите да ги обезбедат сите превентивни мерки коишто се потребни за целосна заштита на гласачите и на сите други учесници во изборниот процес“, Оливер Спасовски, технички премиер.

ВМРО – ДПМНЕ за предлогот на Заев, изборите да бидат на 8 – ми јули, одговор ќе даде утре, иако вонредната состојба истекува вечерва на полноќ. Не лицитираат со датуми, но неофицијално, 8 – ми јули не им бил прифатлив и се размислува за датум кон средината на јули.

„…Нашата цел е да се постигне најбезбедна можна средина за избори во едни вакви сложени околности“ рече Орце Ѓеорѓиевски, ВМРО – ДПМНЕ.

Од друга страна, ДУИ остана на ставот дека за датумот за избори потребен е консензус од сите партии.

Бојан Стојановски Alsat

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Мицкоски до Умс: Вие сте генерацијата што ќе ја движи Македонија напред

Денес имаме битки кои мораме сами да ги водиме, и победи кои мора заеднички да ги издвојуваме. 30 години политичарите во Македонија никогаш отворено...

Претседателката Давкова се сретна со Макрон.

Задоволство беше, во присуство на францускиот претседател Емануел Макрон да бидам дел од церемонијата за отворање на Декадата за криосферските науки кои ги проучуваат...

Инцидент во Охрид: 14 годишно момче со параглајдер удрило во канделабра при слетување.

Инцидентот бил пријавен вчера во 17.45 часот во СВР Охрид. Според пријавата, во близина на Полициската станица за безбедност на патниот сообраќај Охрид при...

За Македонците веќе и во Поградец е скапо

До пред некоја година македонските граѓани одеа во соседна Албанија на пазарување, затоа што економските околности тоа го дозволуваа. Сега ситуацијата се повеќе се...