13.9 C
Ohrid
петок, април 25, 2025
ПочетнаМакедонијаДенеска е празник на Сите Светии – Сисвети - неделата по Духовден

Денеска е празник на Сите Светии – Сисвети – неделата по Духовден

spot_imgspot_imgspot_imgspot_img
spot_img

Празник на Сите Светии – Сисвети – неделата по Духовден

<

Овој празник се празнува во неделата по Духовден и меѓу народот повеќе е познат како Сисвети. Празникот се однесува на сите светци. Црквата го востановила за заедничко сеќавање и празнување на сите светии. Се празнува за да им се оддаде почит на оние светци чии имиња не се познати како поради нивната бројност така и поради тоа што нивниот култ во одредени краишта не заживеал. Споменот на овие светци се празнува заедно со споменот и на оние светци што имаат и посебни празници, за да се покаже дека сите верувале во еден Исус Христос и за него страдале. Се совпаѓа со Петрови поклади, бидејќи една недела по Духовден започнуваат Петровденските пости. На манастирот посветен на овој празник во Охридското село Лешани на овој ден се прави голем собир на кој се собираат луѓе на само од Дебарца туку и од цела западна Македонија.
На овој празник именден празнуваат некои што немаат именден во календарот.

Преданија и легенди поврзани со манастирот сите светии во Лешани (Охридско)

Како ученици тројцата другари Благоја, Сергија и јас, на празникот Си Свети отидовме во манастирот во Лешани, а Благоја ни вели дека ќе не носи на ручек кај негови роднини. Посетата на манастирот Си Свети ми остави незаборавен впечаток со масовната посетеност, со развиорените ора и со прекрасната црква.
За ручек отидовме кај роднините на Благоја. Не пречека жена со скрстени раце, со наведната глава, тажна. Благоја ја прашува што е таква, а таа одвај прозборе дека детето и е на умирање, се чека да испушти душа во другата одаја. Бара Благоја да се донесе детето кај нас. Тоа легнато во лелајка, големко, одаче, ама бери душа, од устата испушта пена.
-Не е ништо, ќе стане како сокол – вели Благоја. барајќи да му се донесе пајнца со вода.
Го донесе жената бараното. Тој го испрска детето со водата и прошепоте нешто, а ние се чудевме со него. По кусо време детето стана, почна да оди, да фаќа по масата. Од тага во куаќата настана радост. Родителите носат јадење, пиење. Долго бевме честени.
Детето од мртовечка постела го кренаа Сите Светии, преку нас гостите делуваа тие, односно тие со нас го испратија ангелот спасител во куќата на домаќинот што не прими, а нашиот другар само механички ја извршуваше нивната волја.

Од книгата „Манастирот Си Свети (Сите светии)“ од Стојан Ристески Охрид 2007.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Општина Дебрца, во соработка со ЈПКД-Дебрца, успешно го заврши проектот за поставување на нови водоводени краци во село Сливово.

Општина Дебрца, во соработка со ЈПКД-Дебрца, успешно го заврши проектот за поставување на нови водоводени краци во село Сливово. Наместо првично планираните 600 метри,...

Почина Алајдин Сулејмани од Арачиново, кој беше тешко повреден денеска во пукотници на Бит Пазар

Алајдин Сулејмани (30) од Арачиново им подлегнал на тешките повреди кои ги здоби денеска од истрели во близина на Полициската станица – Бит Пазар....

Пронајден е возачот кој во Охрид удри пешак и избега од местото, против него ќе биде поднесена соодветна пријава информираат од МВР.

Пронајден е возачот кој во Охрид удри пешак и избега од местото, против него ќе биде поднесена соодветна пријава На 24.04.2025 во 22.40 часот во...

Опожарено возило на улицата Македонски Просветители во Охрид – брзата интервенција спречи поголема несреќа

Опожарено возило на улицата Македонски Просветители во Охрид - брзата интервенција спречи поголема несреќа Денеска околу 14:00 часот, на улицата Македонски Просветители во Охрид избувна...