6.1 C
Ohrid
петок, февруари 23, 2024
ПочетнаМакедонијаВо клиниката „Жан Митрев“ успешно прочитан кодот на вирусот, мутацијата во Македонија...

Во клиниката „Жан Митрев“ успешно прочитан кодот на вирусот, мутацијата во Македонија ја зголемува преносливоста и заразноста

Тимот од Лабораторијата за Генетика и персонализирана медицина од Клиниката „Жан Митрев“ во соработка со партнерска компанија, предводен од д-р Горан Кунгуловски, ги секвенционираше првите целосни геноми на коронавирусот SARS-CoV-2, изолирани од македонски пациенти на почетокот на јуни, што е едно значајно поглавје во македонската биомедицина.

Преку пристап на трета генерација на секвенционирање во реално време, тимот од молекуларни биолози целосно ги декодираше сите 30-тина илјади букви од генетскиот материјал на вирусот кај 10 македонски пациенти. При деталната анализа на геномот беше откриено присуството мутацијата P323L во RdRP генот и мутацијата D614G во S генот, во изолатите од сите 10 пациенти, соопшти Жан Митрев клиника.

Овие мутации се од особено значење бидејќи се наоѓаат во едни од двата најважни протеини на коронавирусот: S протеинот е клучот за влегување на самиот вирус во клетката и нејзиното инфицирање, а додека пак RdRp генот е значаен за делбата на вирусот во клетката.

Според последните научни студии, соевите коишто ја имаат D614G мутацијата, во изминатите месеци станаа доминантни во Европа и некои региони на САД. Се смета дека мутацијата D614G којашто е отсутна во 97% од изолатите во Кина, а доминантна во Европа и исто така откриена во Македонија, ја зголемува преносливоста и заразноста на вирусот, но нема ефект врз сериозноста на симптомите.

S протеинот е еден од главните таргети за развој на вакцина против вирусот, а додека пак RdRp генот претставува еден од главните таргети за развој на терапија против вирусот. Секвенционирањето на повеќе изолати на вирусот од македонски пациенти од самиот почеток на епидемијата па до сега, ќе овозможи за точно следење на еволуцијата и промените на вирусот во рамките на Македонија.

Жан Митрев клиника.

spot_img
spot_img
ПОВРЗАНИ СТАТИИ

Најпопуларни

Повеќе постови

Трагично заврши потрагата по исчезнатиот Александар од Прилеп

Потрагата по лицето Александар Јошовески од Прилеп на кого му беше изгубена трагата вчера попладне за жал е пронајден починат вечерва. Ова преку социјалните мрежи...

„Несериозен е предлогот на ВМРО-ДПМНЕ за продолжување на важноста на пасошите“, рече Маричиќ

Предлогот законските измени на ВМРО-ДПМНЕ за продолжување на важноста на патните исправи е правна несигурност за граѓаните, изјави вечерва вицепремиерот Бојан Маричиќ на новинарско...

Максим Димитриевски е претседателски кандидат на ЗНАМ за претстојните избори.

Максим Димитриевски е претседателски кандидат на ЗНАМ за претстојните избори. Партијата Движење ЗНАМ - За наша Македонија вечерва во Скопје ќе го одржи првиот...

ДНК со поддршка до Силјановска-Давкова: Време е да си добиеме мајка!

Популарното музичко дуо ДНК јавно и искажа поддршка на професорката Гордана Силјановска-Давкова, која се пријавила на јавниот повик за избор на кандидат на ВМРО-ДПМНЕ...