Прес-конференција, Милан Живковиќ, претседател на Комисија за труд и социјална политика на СДСМ
„Грижата за децата е грижа за нашата иднина, иднината на сегашните и идни генерации. Затоа секој влог во младината е влог за подобро утре, влог за младина со визија. Изминатиот период СДСМ со Владата која ја предводи инвестираше во 44 градинки и објекти за ран детски развој и создаде услови за квалитетно сместување на 3.000 предучилишни деца.
Дополнителни 15 милиони евра се обезбедени за нови инклузивни и енергетски ефикасни градинки кои ќе значат нови 7.500 места за згрижување на деца во градинки. За само две години се изградија и реновираа повеќе од 70 објекти, градинки и детски центри во целата држава, во градовите, но и во руралните средини. Градинки се градеа и во градските населби кои поради зголемениот број на жители имаа вистинска потреба од нив. Тоа се : новата градинка во Општина Карпош, поточно Бардовци, населба Тафталиџе,потоа Општина Аеродром, Сопиште ,Чаир, но и нови објекти во речиси сите градови каде имаше потреба.
