Градоначалникот на Град Скопје, Петре Шилегов преку социјалните мрежи се огласи и потврди дека е позитивен на корона вирусот. Притоа додавајќи дека ги почитувал сите мерки за лична и заштита на луѓето околу него.
-Почитувани, би сакал да ве известам дека и покрај сите мерки кои што се превземаа од моја страна за моја лична и заштита на луѓето околу мене, сепак не успеав да се себезаштитам од Ковид 19.
Искрено се надевам дека вирусот го немам пренесено никому.
Денешното тестирање покажа позитивен резултат. Клиничката слика е добра, со благо покачена телесна температура и без потреба од хоспитализорање.
Ова е доказ дека вирусот не смее да се потцени и дека мора секој од нас да внимава.
Чувајте се и чувајте ги другите околу вас. Напиша Шилегов на социјалната мрежа Фејзбук.
