13 C
Ohrid
вторник, ноември 24, 2020
Почетна Македонија ФОТО: Со тешки изгореници на раката, наместо на боледување државата го враќа...

ФОТО: Со тешки изгореници на раката, наместо на боледување државата го враќа на работа

Translate (Eng):[gtranslate]

Пациент со тешки изгореници на прстите на десната рака добиени од врело лепило мора да се врати на работа, зашто Првостепената комисија не му го продолжува боледувањето и покрај препораките на докторот специјалист дека се работи за тешка повреда, на која и е потребно лекување од еден месец.

Случајот со фотографиите од изгорените прсти на човекот ги објави Ана Глигорова од партијата Граѓанската демократска Унија, нарекувајќи го проблемот „Фонд за здравствено осигурување и апсурдите“.

Таа кусо го објаснува случајот на нејзиниот пријател, споделувајќи ги фотографиите со вознемирувачка содржина од кои јасно се гледа дека човекот е невозможно да биде вратен на работа, односно дека не е работоспособен и дека му е потребно лекување.

РЕКЛАМА

 

– Пораката од мој пријател во која тој ми ги прати фотографиите од тешката изгореница со која се здобил на работното место пред 20-тина дена и контрадикторните препораки на комисиите на фондот за тоа колку време треба да биде на боледување е одраз на нашата нефункционална администрација која нема ниту познавања, ниту хууманост. Првостепената комисија не му го продолжува боледувањето до еден месец од 10 јуни до 10 јули, а одговор од второстепената комија нема. Специјалистот по медицина со детален преглед одлучува дека до 10 јули треба пациентот да биде ослободен од физичка работа. Работодавецот е на линија на специјалистот, но државата, таква неспособна би го пратила да работи човеков со тешка повреда уште веднаш, пишува Глигорова.

- Реклами -