9.7 C
Ohrid
петок, октомври 30, 2020
Почетна Македонија Филипче побара веднаш да биде разрешен директорот на јавно здравје Зибери, откако...

Филипче побара веднаш да биде разрешен директорот на јавно здравје Зибери, откако најави дека ги отворал границите за да дојде дијаспората и да гласа за ДУИ.

Translate (Eng):[gtranslate]

Изјавата на директорот Арбен Зибери не е точна и ако има правни услови тој денеска ќе биде сменет, рече министерот за здравство, Венко Филипче, на денешната прес конференција, како одговор на новинарско прашање во врска со изјавата на директорот на Центарот за јавно здравје, кој кажа дека лично издејствувал отворање на границите без потреба од ПЦР тест и карантин, со цел иселениците Албанци да може да дојдат и да гласаат на изборите.

„Ја прочитав изјавата, прво да кажам дека е апсолутно невистина, директорот Зибери не е член на Комисијата, ова сметам дека е предизборна реторика и тоа евтина и лоша и ништо нема да добие директорот со оваа изјава. Сметам дека ваква изјава не доликува на доктор, посебно не на човек кој раководи една таква институција. Уште денеска ќе се консултирам со правниците и ако во овој период може, директорот денес ќе биде сменет“, рече Филипче, додавајќи дека Комисијата постојано работи врз основа на медицинските индикатори.

РЕКЛАМА
- Реклами -