26 C
Ohrid
петок, јули 10, 2020
Почетна Свет Хашим Тачи обвинет за извршени воени злосторства -ја откажа постетата на Вашингтон

Хашим Тачи обвинет за извршени воени злосторства -ја откажа постетата на Вашингтон

Translate (Eng):[gtranslate]

„Претседателот на Косово штотуку не извести дека го откажал своето патување во Вашингтон Д.Ц по објавувањето на Канцеларијата на специјалниот обвинител“, напиша Гренел на Твитер.

Тачи требаше да отпатува за Вашингтон подоцна оваа недела за првиот круг разговори со Србија за нормализирање на односите со посредство на Белата куќа.

„Ја почитувам неговата одлука да не присуствува на разговорите сè додека не се решат овие правни прашања“, рече тој, додавајќи дека состанокот ќе се одржи во сабота како што било планирано и на него ќе присуствуваат српскиот претседател Александар Вучиќ и косовскиот премиер Абдалах Хоти.

РЕКЛАМА

Канцеларијата на специјалниот обвинител за воени злосторства во Косово во Хаг објави дека поднела обвинение за воени злосторства и злосторства против човештвото против косовскиот претседател Хашим Тачи и „други лица“.

Во обвинението се тврди дека Хашим Тачи, Кадри Весели, командант на контраразузнавачката служба за време на војната во Косово во доцните 90-ти и моментално лидер на косовската опозиција, а другите осомничени во обвинението се кривично одговорни за скоро 100 убиства.

Досега ниту еден од главните водачи на ОВК не е осуден за воени злосторства.

- Реклами -