Притвор од 30 дена доби чичкото кој ги малтретирал внуците во Градски парк. Во текот на вчерашниот ден во Градскиот парк во Скопје тој го врзал за дрво 10-годишниот внук, кој имал аутизам, а со прачка ја тепал и неговата сестра.
Случајот е пријавен од минувачи кои ги снимиле настанот, а Единицата за насилен криминал поднесе пријави до обвинителството за малтретирање и запуштање дете.
Осомничениот 46-годишник едното дете го врзал со внатрешната гума од мопед за стеблото на дрво. Детето не можело да се ослободи, а неговата сестра се доближила до дрвото да му подаде шише за да се напие течност. Чичкото прво ја прекорил, а потоа ја удрил со шлаканица по лицето и со ластегарка по стапалата. Осомничениот е спроведен во Истражниот затвор во Шутка.
