26.9 C
Ohrid
недела, јули 21, 2024
ПочетнаМакедонијаУкрадени новите униформи на војската од магацинот на АРМ.

Украдени новите униформи на војската од магацинот на АРМ.

Кражба во едно од најобезбедените места во земјава. Од кругот на Генералштабот и Министерството за одбрана исчезнале војнички униформи, како и други делови од облека.

Инцидентот се случил ноќта меѓу 29-ти и 30-ти јуни во еден од магацините на Армијата.

Кражбата ја потврдија и од Генералштабот на АРМ без да го потврдат точниот број на украдени униформи, но неофицијално станува збор за 35 украдени комплети.

“Одговорниот за магацините утрото на 30-ти јуни забележал дека се случила кражба и веднаш постапил по утврдената процедура. Известена е Воената полиција која го води случајот и не можеме да кажеме дали имаме осомничени”, велат од највисоката армиска институција.

Засега не е познато дали кражбата е извршена или потпомогната од вработени во кругот на Генералштабот и Министерството. Магацинот се наоѓа во близина на цивилни објекти, од каде можел да дојде и непознатиот натрапник.

“Според неофицијалните информации, причина за безбедносниот пропуст можно е да биде отвор кој се наоѓа во близина на цивилна зграда, а кој подолго време чекал да биде саниран”

Засега не се знае колкава е проценетата штета, а украдените униформи се дел од над 9-те илјади нови комплети, кои Армијата ги набави само неколку дена пред кражбата.

Се претпоставува дека можниот мотив би бил нивна препродажба, бидејќи оваа опрема често е предмет на интерес кај воените ентузијасти.

Случајот е пријавен во МВР, кои во соработка со Воената полиција работат на расчистување на случајот.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Во Шутка недостигале 13 затвореници, 12 се вратиле, еден никаде го нема

При вонредна контрола на затворот Шукта на инспектори на Управата за санкции утврдени се низа нерегуларности. Од Управата за Телма велат дека дури 13...

Амбасадорот на Република Турција (Турк Фатих Улусој, во прва официјална посета на Општина Охрид.

Амбасадорот на Република Турција (Туркије), Фатих Улусој, кој беше во прва официјална посета на Општина Охрид. Графоначалникот Пецаков на средбата со Н.Е. разговараше за можностите...

Ангелов им додели благодарници на странските пилоти кои помагаат во гаснењето на пожарите

Синоќа (петок, 19.07.2024), на храбрите пилоти од Романија, Словенија, Хрватска, Србија и Црна Гора, кои ни помагаат во справување со огнената стихија, во знак...

Таравари го именува доктор Горан Маркоски за нов дирекор на Општата болница во Охрид.

Министерот за здравство, д-р Арбен Таравари изминатите неколку дена именуваше нови в.д. директори во следните јавни здравствени установи: – Клиничка болница Битола, Ненси Лозанче – Институт...