30.9 C
Ohrid
вторник, јули 16, 2024
ПочетнаМакедонијаСела: Ако Заев и Мицкоски направат македонска влада, ние ќе направиме албанска...

Села: Ако Заев и Мицкоски направат македонска влада, ние ќе направиме албанска влада

Коалицијата „Сега е време“ во саботата вечерта и покрај лошите временски услови одржа посетен централен митинг во Струга.

Претседателот на Алијанса за Албанците, Зијадин Села, на митингот меѓу другото зборуваше и за идејата на, како што рече, лидерите на владејачкиот СДСМ, Зоран Заев и на опозицската ВМРО-ДПМНЕ, Христијан Мицкоски за размена на пратеници за да не бидат условени од Албанците да формираат влада.

„Слушам дека Заев и Мицкоски се подготвени да формираат македонска влада. Еве ви кажувам многу јасно и отворено, ако создадете влада само со македонски претставници ние ќе создадеме нашата албанска влада“, рече Села од Струга.

Изјавата на Села доаѓа по идејата искажана од Заев во телевизискиот дуел со Мицкоски претходно седмицава, одговарајќи на прашањето за условувањето на неговиот коалициски партнер Али Ахмети од ДУИ, за поддршка за составување влада само доколку за премиер биде назначен нивниот кандидат Насер Зибери.

Имено лидерот на СДСМ во текот ТВ-дуелот на Телевизија 24 во вторникот вечерта во еден момент побара од лидерот на ВМРО-ДПМНЕ поддршка од пратеници на ВМРО-ДПМНЕ за формирање влада.

Заев, поточно, изјави дека условот на ДУИ Албанец да биде премиер не може да ја прифати и затоа, без поддршката од актуелниот владин партнер побара помош од ВМРО-ДПМНЕ.

„Сум спремен со ВМРО-ДПМНЕ и сум спремен да отстапам со разговор со нашите пратеници 13 пратеници на господинот Мицкоски или колку ќе му требаат за 61 пратеници тој да формира малцинска влада или ќе бараме од него да отстапи 6 или колку ќе ни требаат нас за да може да формираме малцинска влада. Никој не смее под уцени да преговара“, изјави Заев

На тоа Мицкоски одговори дека ВМРО-ДПМНЕ ќе ја предводи идната влада и постојат други кои што се дел од коалицијата „Можеме“ а кои што се дел од пратеничките листи и самите изразуваат желба во иднина да ги поддржуваат политиките на ВМРО-ДПМНЕ.

„Математиката не ви е добра страна. И оваа математика е добра за општинските организаии на СДСМ, но по 15-ти јули на ВМРО-ДПМНЕ нема да му требаат повеќе од еден или два пратеника за да формира влада, а има повеќе кои овој изборен период сакаат да ги поддржат политиките на ВМРО-ДПМНЕ“, рече Мицкоски.

 

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Наместен случај: Од „претепано“ бебе, до казни и стресови за медицинската сестра, на крај работата ќе заврши со „недоразбирање“

Веќе неколку денови во јавноста се врти приказната за „претепаното“ тримесечно бебе на скопската Клиника за детски болести од страна на медицинска сестра, но...

Камерите во Скопје уклучени- Први казни заработија полициски службеници !

МВР денеска објави снимки и информација дека тројца полицајци се гонат затоа што на возач наместо да му пишат казна за сообраќаен прекршок му...

Започна обединувањето на Македонците во Албанија.

Започна обединувањето на Македонците во Албанија. Прогласо на "Друштвото Преспа " го потпишат македонското друштво "Илинден" Некогашниот градоначалник на Пустец, Едмонд Темелко, во името на Друштво...

Кај браната Градче пронајдена е мртва 26 годишна кочанчанка

Вчера во 20:13 часот во полициската станица Кочани, од Јавното претпријатие Водостопанство било пријавено дека на подножјето на браната Градче било пронајдено тело на...