Стогодишниот британски воен ветеран Том Мур, кој стана национален херој откако собра повеќе од 32 милиони фунти за здравствени услуги, денес беше официјално прогласен за витез. Кралицата Елизабета разговараше со сер Мур и неговото семејство откако таа официјално го прогласи за витез на церемонијата што се одржа во Виндзор.
Мур, кој беше унапреден во почесен полковник на неговиот 100-ти роденден, доби титула „капетан сер Томас Мур“ во согласност со протоколот на британското Министерство за одбрана.
Титулата на витез претходно беше одобрена од кралицата Елизабета Втора.
Во почетокот на април, Мур започна со собирање средства за добротворни организации кои ѝ помагаат на Националната здравствена служба во борбата против Ковида-19, така што шетал низ неговата градина. Тоа беше еден вид предизвик. Тој планираше да собере 1.000 фунти до неговиот 100-ти роденден, но успеа да собере повеќе од 32 милиони фунти, поставувајќи Гинисов рекорд за најголема сума од поединец собрана од прошетка.
Британскиот премиер Борис Џонсон го нарече Мур „национално богатство“, велејќи дека тој е „како светилник во маглата на пандемијата на коронавирус“.
