Некои држави сѐ уште не сфаќаат дека Цариград со векови е во рацете на муслиманите, кажа турскиот претседател Реџеп Таип Ердоган.
„На отворањето на Аја Софија во петокот видовме дека некои држави не знаат дека Цариград се наоѓа на турска територија. Без оглед на тоа што од неговото основање до денес минале векови, гледаме дека тие сѐ уште не признаваат дека Цариград се наѓа во рацете на турскиот народ и муслиманите“, кажа Ердоган на отворањето на новата зграда на Турската разузнавачка служба во Истанбул.
Премиерот на Грција Киријакос Мицотакис изјави во петокот дека „она што денес се случува во Цариград (Истанбул) не е покажување сила, туку напротив, знак на слабост“. Мицотакис ја обвини Турција дека „го навредува наследството на 21 век“.
Базиликата Света Софија е изградена во 537 година, а во џамија е претворена во 1453 година, веднаш откако трупите на султанот Мехмед Втори го разурнале, зазеле и ограбиле Константинопол, денешен Истанбул.
Пет века подоцна, во 1935 година, за време на проевропската реформа на Турција предводена од Мустафа Кемал Ататурк, таа била претворена во музеј. Осумдесет и шест години подоцна, статусот на Аја Софија повторно е сменет – таа повторно е претворена во џамија.
