Дали некогаш сте виделе моторџиска кацига оставена на пат? Дали знаете што значи моторџиска кацига оставена на патот?
Многумина од луѓето кои возат мотори веруваат дека оставањето на кацигата на под е лоша среќа. Но малкумина од моторџиите и другите учесници во сообраќајот знаат дека според „бајкер-кодот“ кацига оставена на земја(пат) е всушност меѓународен универзален сигнал за помош на пат.
Бидејќи моторите немаат во дополнителна опрема знак за означување запрено возило на коловоз – сигурносен триаголник, оставена кацига на пат е соодветна замена.
Ако видите застанат моторџија со шлемот оставен на патот, не двоумете се да застанете и да му помогнете, помош на пат е хумано дело и може да му затреба на секого. Денес Вие за него, утре некој за вас.
Иако овој текст е многу краток, има едукативна и хумана порака до читателите, а Вие драг читателу споделете го понатаму за да си помогнеме едни на други.
