Иако по закон требаше автобусите да возат со 50% исполнетост но никоја автобуска компанија не се придржуваше на тоа… Градските автобуси беа преполни со работници кои се враќаа од работа, полни комбиња на туристи кои се превезуваа низ охридските плажи, но од денес официјално автобусите ќе може да возат со поголем капацитет.
Автобусите отсега ќе може да пренесуваат патници со 75 отсто од капацитетот, наместо досегашните 50, одлучи Владата на седница.
„На предлог на Комисијата за заразни болести, Владата ги прифати измените во протоколите за вршење меѓуградски и меѓународен превоз на патници, со што наместо исполнетост до 50 проценти, отсега во меѓуградскиот и меѓународниот патнички превоз е дозволено исполнетост најмногу до 75 отсто од вкупниот капацитет на возилата“, информираат од Владата.
