Уснија Реџепова беше една од најголемите музички ѕвезди на минатиот век, која жареше и палеше низ цела Југославија со својот глас и со својот изглед.
Таа немаше деца, па по нејзината смрт, најблиските роднини наследија сè она што таа го имаше стекнато низ годините. Но, сега, целата српска јавност е шокирана со нехуманиот потег токму од тие роднини.
Имено, на еден профил на социјалната мрежа Фејсбук е објавен оглас во кој се продаваат антиквитетите на Уснија Реџепова, како и нејзиниот омилен клавир. Тоа што е најбизарно е дека на истиот тој оглас е наведено дека се продава и креветот на покојната пејачка, на кој таа го испуштила последниот здив.
Огласот со денови кружи на интернет, а секој што сака да ја дознае цената на овие предмети мора да му се обрати на агентот за продажба.
