Единицата за економски и компјутерски криминал до надлежното јавно обвинителство поднесе кривична пријава против М.А. (34) заради постоење на основано сомневање дека пријавениот е сторител на кривично дело „бесправно градење” по чл.244-а од КЗ на објект бесправно изграден на бул. „Гоце Делчев“ на платото пред ДТЦ Мавровка во Скопје.
Од страна на СВР Скопје- Единица за економски и компјутерски криминал во координација со ОЈО- Скопје беа преземени соодветни мерки и активности во насока на утврдување на постоење основи на сомнение за сторено кривично дело кое што се гони по службена должност по чл.244-а „Бесправно градење” од КЗ и по целосно документирање на случајот денеска до ОЈО- Скопје е поднесена соодветна кривична пријава. – соопшти МВР.
Овој случај изминатиот период ја бранува јавноста, дотолку повеќе што надлежните институции си ја префрлаа одговорноста меѓусебно, а општината Чаир, под чија надлежност е случајот не спроведе акција за уривање на дивата градба, бидејќи никој не се пријавуваше на тендерот распишан за таа намена.
Во врска со случајот, премиерот Заев најави дека државата ќе и помогне на општина Чаир да ја урне дивоградбата пред Мавровка која стана симбол на немоќ на институциите. Вистински тест за власта која најави борба со криминалот, корупцијата и сивата економија како и прочистување на судството и јавните служби ќе бидат и повеќе слични случаи во Охрид, како и во Матка.
OhridNews
