18 C
Ohrid
четврток, септември 24, 2020
Почетна Македонија Груби- Ахмети сведочи за активности во Косово а не за војната против...

Груби- Ахмети сведочи за активности во Косово а не за војната против Македонија

Translate (Eng):[gtranslate]

Лидерот на ДУИ Али Ахмети бил повикан од Специјалното обвинителство за Косово во својство на сведок како еден од основачите на ОВК за перидот 1998-2000 година. Првиот вицепремиер Артан Груби тврди дека испрашувањето на Ахмети од хашките истражители е поврзано со активности на Косово, а не и во Македонија.

„Поканата дојде преку нашето обвинителство, на поканата пишува во кое својство е поканет – во својство на сведок за неговата улога како основач на ОВК и како еден од коосновачите на народното движење на Косово за периодот од 1998 до 2000 година. Само во овој период и за тие активности. Во целото испрашување нема ништо за какви било други активности во Македонија или во која било друга земја. Се однесува во својство на сведок само за околностите во Косово 1998/2000 и толкав е и мандатот на специјалното обвинителство на Косово“, изјави Груби за ТВ Сител.

 

РЕКЛАМА

Ахмети на 2 и 3 септември беше на распит пред истражителите на Меѓународниот суд за Косово со седиште во Хаг. По дводневното испрашување во канцелариите на ЕУЛЕКС во Приштина, Ахмети изјави дека бил интервјуиран во својство на сведок, но дека не може да даде информација до завршување на процесите пред меѓународниот трибунал.

 

„До завршувањето на овој процес не можам да споделам никаква информација со јавноста, затоа што така е предвидено со закон. Кога ќе добие епилог процесот, тогаш ќе можеме да говориме, тогаш тоа ни го дозволува и законот“, изјави кусо Ахмети.

 

- Реклами -