9.3 C
Ohrid
четврток, октомври 1, 2020
Почетна Македонија Крстев ги вози последните километри кон Лондон, со неговата застава 101.

Крстев ги вози последните километри кон Лондон, со неговата застава 101.

Translate (Eng):[gtranslate]

Драги Крстев од струмичкото населено место Ангелци кого го познаваат кој во вторникот тргна со застава 101 за Англија заедно со братучед му Љубиша Велиновиќ ги возат последните километри до Лондон. Тие од Струмица тргнаа во вторникот вечерта со возилото, кое како марка модел за Драги  му била првата автомобилска љубов и возило кое му буди огромни спомени, пред да замине за Англија каде веќе 20 тина години живее и работи и има свој авто сервис, пишува Дрнка.Мк

,, Се надеваме дека доцна вечерва или утре наутро да стасаме во Англија. Не очекував дека моето приватно враќање во Лондон со ,,застава 101’’  ќе предизвика толку голем медиумски интерес. Досега немавме дефект . Се знае дека “101“ е машина и може да издржи,, низ изјави Крстев за досегашниот тек од патувањето со возилото старо 46 години, заради што во багажникот носеше една гајба резервни делови и две кутии со алат.

РЕКЛАМА

Целата траса од Струмица до Лондон изнесува 2560 километри но како што вели Драги тие скршнале од првичната рута. После Унгарија се упатиле во Словачка иако не било планирано. Сакале да посетат повеќе градови со некогашната југословенска машина која своевремено беше хит а токму на ова возило ги имал своите први чекори и во возењето и како механичар.

,, Бевме во Белград, Братислава, Дортмунд, Франкфурт и Брисел и посетивме некои важни места и знаменитости. ,,101“ го паркиравме пред кралски палати, цркви, базилики па дури и пред седиштето на ЕУ во Брисел. По пат немаше некој да не ни свирне или поздрави. Секаде каде што застанувавме прашуваа и се фотографираа со возилото. Им беше чудно кога им кажавме дека е старо речиси половина век и дека тргнавме од Македонија со братучед ми Љубиша кој ми помага во возењето,, ни кажа Драги Крстев

Извор: Дрнка.Мк

- Реклами -