. „ На 22.09.2020 г. во Полициската станица Кавадарци, 69-годишен жител на Кавадарци пријавил дека бил измамен од едно лице за сума од 6.000 евра. Според пријавеното, околу 12.00 часот на домашниот телефон му се јавило лицето и го известило дека неговата ќерка во САД направила сообраќајна незгода во која загинало седумгодишно дете и за да ја спаси да не оди во затвор му побарало 100.000 долари. Според пријавата, 69-годишникот го известил дека има само 6.000 евра кои треба да ги извади од банкарска сметка. Како што било пријавено, откако ги дал парите, лицето заминало и после тоа не му се јавило. Се преземаат мерки за расчистување на случајот“ информира портпаролот на СВР Велес, Верољуб Додевски.
Од ОВР Кавадарци апелираат до сите граѓани да бидат внимателни. Ако добијат повик, во кој некој се претставува како претставник на некоја институција, а притоа бара некакви пари, веднаш да ја алармираат полицијата на 192.
Кавадарчанец наседнал на измама и е олеснет за 6.000 евра, потврдија денеска од полицијата. Добил телефонски повик дека неговата ќерка во Америка прегазила мигрант и за да избегне кривична одговорност треба да уплати 100 илјади долари. Кавадарчанецот, кажал дека толку пари во моментот нема, но може да им даде 6 илјади евра. Измамникот, кој се претставил како командир на полиција, се согласил со понудената сума. Кажал локација каде да се остават парите. Измамениот постапил по дадените инструкции, но подоцна сфатил дека е измамен и пријавил во полиција. Ова не е сценарио од некој крими филм, туку реалност која се случила во Кавадарци.
