Во Визбегово e пронајдена мини лабораторија за масло од канабис, a уапсени се три лица, информира полицијата.
Единицата за недозволена трговија со дрога денеска околу 15 часот, извршила претреси во скопско Визбегово, при што пронајдена е мини лабораторија за производство на масло од канабис.
Претресите се направени во домот и други простории на 38-годишниот И. П., а во дворното место имало стебла од марихуана во осум саксии и други 12 стебла.
Некои од нив биле во помошните простории во фаза на сушење.
Затекнати се и две други лица, од кои едното П. В. (38), кој бил затекнат при обработка на марихуаната, како и Г. Ј. (39).
Извршени се претреси и во домот на Г.Ј., каде е пронајдена марихуана подготвена за продажба, како и шприцеви полни со масло од канабис.
