Жозе Мурињо по мечот со Шкендија на прес конференцијата изјави дека пред да почне мечот неговите голмани забележале дека стативите на Арената „Тодор Проески“ се пониски за 5 сантиметри. Реагирале кај делегатот, па стативите беа заменети. Од Акционерското друшство за стопанисување со станбен и деловен простор, кое управува со нашиот најголем стадион испратија демант попладнево за Мурињо, каде што велат дека стативите биле според правилата на УЕФА, но ги смениле само поради неговата реакција и поради мечот.
Но, Мурињо се фотографираше со стативите и фотката ја постави на неговиот Инстаграм. Благодарение на неговата објава цел свет дозна за Скопје, а се разбира коментарите се со потсмев. Португалецот направи реклама, но за жал таа е негативна. Повторно во очите на Европа и Светот сме „таму некоја земја“ од Балканот. Повторно на нас гледаат како некои чудаци кои не знаат ниту стативи како што треба да постават. Ти благодариме Мурињо што за тие 5 сантиметри целиот свет дозна за нас.
спортм
