Се поголемиот број закотвени пловила во каналот Студенчишта ги зголеми и апетитите на крадците. Се почесто во последно време се случуваат кражби врз пловилата. Се крадат мотори и други вредни делови. Крадците се почесто оперираат самостојно и во група во доцните вечерни часови.
Но освен што се поголемиот број пловила го зголемува ризикот од кражби, истовремено во голема мера го загадува каналот кој не смее да претставува марина и притоа да го загрозува животот на флората и фауната.
Инаку досега неколкупати се начна темата за изградба на соодветна марина во Охрид која ќе нуди безбедност на пловилата и пред се ќе биде еколошки поддржана но сите проекти и идејни решенија беа безуспешни. Екологистите апелираат што поскоро да се најде соодветна локација за да се намали притисокот врз каналот но и да се контролира загадувањето врз езерото.
24 vesti
