Во моментов се одржува консултација на министерот за здравство Венко Филипче со членовите на Комисијата за заразни болести за актуелната епидемиолошка состојба и зголемениот број нови случаи со ковид-19, информира Министерството за здравство.
„Министерството за здравство информира дека во моментов се одржува консултација на Министерот за здравство Доц. д-р. Венко Филипче со членовите на Комисијата за заразни болести, каде се анализира актуелната епидемиолошка состојба и зголемениот број на нови случаи со ковид-19. Министерството ќе проследи повеќе информации по завршување на консултативната средба“, се вели во соопштението.
Само во изминатото деноноќие шест лица починаа и 225 се регистрирани како новозаразени со ковид-19, а речиси 100 од нив се од Скопје.
