На 3. октомври пред точно 25 години неуспешно беше извршен атентат врз првиот претседател на независна Македонија, Киро Глигоров.
И по четвртина век, сè уште останува мистерија кој го нарача атентатот и кои се извршителите иако имаше многу заложби и силни ветувања дека тие ќе бидат изведени пред лицето на правдата.
Вистински шок во јавноста се случи пред три години, кога првиот македонски спикер на Собранието, Стојан Андов во неговата книга, „До атентатот и по него“ наведува дека поранешниот министер за внатрешни работи Љубомир Фрчкоски, е можен организатор на атентатот. По ова Фрчкоски го тужеше Андов, а судот донесе времена непопуларна мерка, забрана на книгата. Тоа пак уште повеќе ги зголеми сомневањата дека навистина Фрчкоски е нарачателот на неуспешниот атентат. Претседателот Киро Глигоров кој го преживеа атентатот имаше тешки и трајни повреди во пределот на главата.
faktor.mk
