13 C
Ohrid
вторник, октомври 20, 2020
Почетна Македонија ''Пуста сиромаштија'' Бојан Маричиќ едвај собрал 3.000 евра да си купи половен...

”Пуста сиромаштија” Бојан Маричиќ едвај собрал 3.000 евра да си купи половен автомобил !!

Translate (Eng):[gtranslate]

Државната комисија за спречување на корупција го објави Анкетниот лист на Бојан Маричиќ кој со превземањето на министерството за правда за прв пат стана државен функционер во својата политичка кариера, а според истиот поседува возило кое го купил на старо, вложувал во инвестициски фондови и подигнал кредит од 50.000 евра.

Поранешниот технички преговарач со ЕУ во имотниот лист пријавил стан од 65 метри квадратни во Скопје купен во 2014 со вредност од 3,6 милиони денари како заеднички имот со неговата сопруга. Пријавил и возило Цитроен Ц4 од 180.000 денари, произведено во 2008, а купено во 2015, пишува ФАКТОР.

Уште сега штеди за иднината на своите две мали деца, па вложил и за едното и за другото по 1.100 евра во Инвестициски фондови од 2018 и 2019-та, а исто така отворил и денарски депозит за деца во Халк банка во 2020 и таму им чува 15.000 денари.

РЕКЛАМА

Од кредити, има еден подигнато од 3 милиони денари во 2015 и истиот треба да го враќа до 2047, како и уште еден потрошувачки од 200.000 денари.

Истовремено е објавен и анкетниот лист на Јетон Шаќири, новиот министер за информатичко општество и администрација, кој исто така за прв пат станува државен функционер.

Неговиот брачен другар има стан од 81 метар квадратен од 3 милиони денари, купен во 2018, но не е познато каде се наоѓа. Неговите родители имаат земјиште, куќа и деловен простор со вкупна вредност од повеќе од 20 милиони денари.

Шаќири пријавил свои три возила, од кои највредното му е Ауди А6 од 11.000 евра.

А.К.

Извор:Фактор

- Реклами -