Не е 1-ви април, но еден пациент кој бил позитивен на коронавирус и хоспитализиран во ковид центарот „8-ми септември“ се маскирал во доктор и така ја напуштил болницата.
Звучни како приказна, но ова синоќа навистина се случувало во болницата „8-ми септември“ која е ковид центар.
„Од страна на дежурниот лекар и на медицинскиот персонал му било повеќе пати напоменато и бил враќан назад во болничката соба, меѓутоа во текот на ноќта околу 9, 10 часот навечер успеал некако да ја отвори вратата насилно и да излезе од болницата, меѓутоа тој дел од болницата каде што се изолирани нема присуство на други пациенти“, вели за Сител телевизија директорот Христијан Костов.
Настанот за ТВ21 го потврдуваат и од МВР.
