Фотката е од забавата во клубот „Мош“, пред неколку недели, кога настапи
пејачот Сергеј Ќетковиќ. Некои музичари ја споделуваа сликата па
прашуваа „дали сегашните мерки се донесени пред или откако Исјановски
се забавувал во ‘Мош’“.
Виктор Исјановски, за „Репортер“ тврди дека ова е хајка против него и дека
кога пеел Сергеј Ќетковиќ се почитувале мерките. Вели дека тој носел маска
и дека ја извадил само за сликање, за да има спомен од забавата.
„Јас сум млад човек, сакам и имам право да се забавувам, но секогаш ги
почитувам мерките и никогаш не сум дозволил да се најдам во ситуација во
која би го загрозил здравјето на другите“, рече Исјановски, кој е и директор
на Здравствениот дом Скопје.
Исјановски за „Репортер“, ни кажа дека фотографијата која се шири по
социјалните мрежи е направена пред дваесетина дена, кога важеле
поинакви протоколи.
