9.7 C
Ohrid
сабота, октомври 31, 2020
Почетна Свет Трамп примил коктел со антитела кој бил развиен со употреба на клетки...

Трамп примил коктел со антитела кој бил развиен со употреба на клетки од абортиран фетус

Translate (Eng):[gtranslate]

Еден од лековите што ги земал Доналд Трамп за време на лекувањето на коронавирусот е развиен со употреба на човечки клетки добиени од абортиран фетус, пишува „Гардијан“.

Лекот е коктел од моноклонални антитела развиен од Регенерон, Трамп добил инфузија од осум грама, а лекот не е одобрен.

 

РЕКЛАМА

Трамп постојано се обидува да го ограничи пристапот до абортус, а еден од неговите последни обиди е да ја номинира конзервативната католичка судијка Ејми Кони Барет за Врховниот суд.

Републиканската партија на Трамп е против истражување на ембрионални матични клетки и повикува на забрана за федерално финансирање на такви истражувања.

Трамп веќе ги ограничи ваквите истражувања во 2019 година кога неговата администрација финансирање на научници кои работат на студии од тој тип.

– Го запревме федералното финансирање на истражување на ткиво на фетус. Заземаме став пред лобистите за абортус како никогаш досега, рече Трамп на почетокот на оваа година.

Портпаролката на Регенерон, Александра Боуви, рече дека компанијата спорните клетки ХЕК-293Т не ги смета за ткиво.

– Клетките слободно се делат во лабораторија и не сметаме дека оние што денес ни се достапни се ткиво на фетус, и инаку не користевме фетално ткиво, изјави Боуви.

Развојот на коктелот со 450 милиони долари го поддржа Барда, институција во рамките на тамошното Министерство за здравство, задолжена за истражување и развој во биомедицината. Не е достапен за јавноста и досега е тестиран само на 275 лица.

- Реклами -