По рекордниот број на новозаразени од 535, Министерот за здравство, Венко Филипче вели дека на утрешниот состанок на Комисијата за заразни болести ќе се разговара токму за тоа дали има потреба од донесување на нови рестриктивни мерки.
– –
Како точки на дневен ред ќе се најдат Јавниот прево, работното време на угостителите, а потенцира дека дел од мерките може да бидат само на подрачја каде што има енормно зголемување на бројот на заразени.
„На утрешниот состанок ќе дискутираме за тоа дали се потребни дополнителни рестрикции од тие кои што сега се на сила. Тоа би вклучувало рестрикција во јавниот превоз, ограничување на работа на угостителскиот објекти и одредени економски субјекти и компании. Секаде каде што сметаме дека е ризик. Дел од мерките може да се таргетирани по општини, а дел може да важат на територија на цела држава“, рече Филипче во интервју за Сител телевизија.
Министерството за здравство информира дека во последните 24 часа се направени 2445 тестирања, а регистрирани се 535 нови случаи на ковид-19 во: Скопје-277, Куманово-17, Дебар-7, Штип-22, Прилеп-26, Тетово-18, Струга-8, Велес-10, Битола-13, Охрид-4, Кавадарци-4, Гостивар-5, Гевгелија-24, Струмица-30, Крива Паланка-2, Радовиш-6, Кочани-12, Пробиштип-3, Демир Хисар-2, Македонски Брод-1, Валандово-5, Виница-1, Делчево-1, Свети Николе-9, Кичево-15, Ресен-8, Неготино-5.
Денеска Институтот за јавно здравје регистрира 168 оздравени пациенти од: Скопје-68, Штип-4, Прилеп-14, Тетово-11, Струга-4, Велес-5, Битола-10, Охрид-2, Кавадарци-2, Гостивар-3, Гевгелија-5, Струмица-8, Кочани-14, Пробиштип-1, Берово-5, Виница-4, Делчево-2, Свети Николе-3, Кичево-1, Неготино-2.
Во болнички услови починати се 6 лица, пациенти од Битола (66г), Куманово (57г), Прилеп (72г), Свети Николе (69г), Велес (67г) и Неготино (55г).
