Во Македонија во последното деноноќие закое има податоци од Министсртвото за здравство беа регистрирани рекордни 445 новозаболени од коронавирусот. Со нив бројот на активни случаи се зголеми на вкупно 4.236 лица. Од почетокот на епидемијата досега од Ковид-19 починати се 809 лица. Бројките се објавуваат на дневно ниво и во извештаи на Институтот за јавно здравје. Сепак и покрај засилувањето на епидемијата, новите рекорди на новозаболени и починати – во земјава практично „умре“ интернет страницата на која Министерството за здравство ги ажурираше податоците за Ковид-19.
Така ако одите на coronavirus.gov.mk, бројот на активни случаи е под 3.000. На првата страница последна новост е од 14 август кога министерот Венко Филипче објавил дека после подолг период бројот на активни случаи е под 3.000. За жал сега тоа е далеку од реалноста.
Последните податоци во табеларниот приказ пак се од 28 септември и според нив, бројот на новозаболени изнесува 40, а вкупно активни болни се 2.303 случаи. И тоа за жал веќе не е така.
Важно страницата се обновува со најнови информации од одлуките на Владата и промоцијата на најновите мерки за помош од кризата.
Фактор
