Како што објаснува Алчевска, случајот веднаш го пријавила во полиција, но полицајците ѝ возвратиле дека тоа не е во нивна надлежност.
Скопјанката Мартина Алчевска на социјалната мрежа Фејсбук се пожали дека во саботата додека со бебето се шетала по патеката за пешаци на булеварот Партизанска, некој од околните згради фрлил кромид и ја погодил во грбот.
Како што објаснува Алчевска, случајот веднаш го пријавила во полиција, но полицајците ѝ возвратиле дека тоа не е во нивна надлежност.
„На ден 10.10.2020 (сабота) шетајќи со бебето по патеката за пешаци од страна на булеварот Партизански одреди, каде што е обележано со црвено, ме удри некој од кулата со кромид. Ме удри по грб и кромидот се подели на два дела. Среќа што удри во мене, да го држев детето во раце ќе беше фатално. Дете од неколку месеци да го удри некој од таа висина, вистина е фатално. Патем, ова не е прв пат, често од таму летаат тегли ајвар, цвекло, јајца, ѓубре и сè што може да замислите. Кога и да поминете таму ќе забележите искршени тегли и еден куп ѓубре. Секако веднаш пријавив во полиција, меѓутоа ми рекоа дека тоа не е во нивна надлежност и дека нивна работа не е да одат од стан на стан за да го најдат тој/таа. Целта на овој пост е да се сподели, зошто верувам дека сите имате свои сакани кои секојденевно поминуваат на главниот булевар пешки или со велосипед“, пишува Алчевска.
Плусинфо
