Во СДСМ денеска се одржа комеморација по повод трагичната прерана смрт на нивниот партиски колега и другар, Трајче Нешковски.
Членовите на социјалдемократската младина се простија од својот прерано починат другар со кого поминале денови протестирајќи против претходната власт и борејќи се за правда и демократија.
На комеморацијата која поради почитување на мерките за Ковид19 се оддржа надвор од зградата на партијата, беа присутни премиерот и лидер на СДСМ, Зоран Заев, како други личности врвот на СДСМ и СДММ, како и голем број на социјалдемократи.
Пред два дена МВР објави дека на 14.10.2020 во 16.45 часот било пријавено дека на ул.„Франклин Рузвелт“ во Скопје се случила собраќајна незгода помеѓу патничко возило „цитроен“, со гостиварски регистарски ознаки, управувано од Т.Н.(32) од Гостивар и патничко возило „опел“, со струмички регистарски ознаки, управувано од Г.К.(34) од с.Просениково, струмичко. Т.Н. се здобил со тешки телесни повреди по што бил пренесен на Комплексот клиники „Мајка Тереза“, каде починал. Со телесни повреди се здобила Г.К., констатирани во Градската општа болница „8 Септември“. Извршен бил увид на местото на незгодата од увидна екипа од СВР Скопје и Јавен обвинител, по чија наредба телото на починатиот е предадено за обдукција.
https://www.facebook.com/ac12707c-99a7-43c8-a7ba-59e0abf3c4b9
Генералниот секретар на СДСМ, Љупчо Николовски објави дека се работи за нивен партиски другар, колега, доктор и пријател.
