Постои еден многу едноставен трик со помош на кој можете да проверите дали вашата маска за лице доволно ве штити од коронавирусот, а тоа е да се обидете да угаснете пламен од свеќа со дување додека ја носите маската врз вашата уста. Добрата маска не би требало да дозволи пламенот да се угасне.
Овој трик, секако, не е стопроцентен метод за тестирање маски, ниту, пак, можете да си гарантирате целосна заштита со тој трик, но секако може да ви помогне да одредите која маска не е доволно добра.
Откако Центарот за контрола и превенција на болести ширум светот започна да им препорачува на луѓето да носат маски, истражувачите постојано ги тестираат најдобрите материјали за нивно производство, пишува „Business Insider“, пренесува „National Geographic“.
Идеалната маска би требало да го блокира ширењето на респираторни капки кои се шират преку каплање и кивање, но би требало да ги блокира и помалите честички, аеросоли, кои се шират додека луѓето разговараат или дишат.
Маската, исто така, треба да биде прицврстена околу носот и устата, бидејќи ако постои каков било простор или дупка, капките би можеле да излезат оттаму и да заразат други луѓе.
Под претпоставка дека маските се носат правилно, одредени материјали константно во текот на истражувањата покажале добри резултати. Општото правило е ткаенината која се користи за изработка на маските да биде цврста, бидејќи на тој начин подобро се филтрира воздухот. Исто така, пожелно е маската да има повеќе слоеви, а Светската здравствена организација (СЗО) препорачува маските од ткаенина да имаат најмалку три слоеви: првиот слој да упива, средниот да филтрира и надворешниот да биде изработен од полиестер.
Маските „N95“ на тестовите се покажале како најдобри, а за тоа говори и нивното име, бидејќи резултатите покажале дека имаат ефикасност од 95 проценти. Оние најцврстите ги затвораат устата и носот, па затоа многу малку вирусни честички влегуваат и излегуваат. Едно неодамнешно истражување покажало дека помалку од 0,1 процент од капките се пренесуваат преку „N95“ маските додека човекот зборувал.
Што се однесува до маските што се изработуваат во домашни услови, истражувањето покажало дека станува збор за најдобра алтернатива на хируршките маски, но само оние кои се направени од ќеси за правосмукалка, а дури пороа маските од пешкири, јастучници, свила и од памучни маици.
Во продолжение, погледнете ја листата од најдобри и од најлоши маски:
