14.2 C
Ohrid
среда, јуни 4, 2025
ПочетнаМакедонијаСДСМ: Вмро Дпмне е виновно за зголемениот број на позитивни од Ковид-19...

СДСМ: Вмро Дпмне е виновно за зголемениот број на позитивни од Ковид-19 и за тоа што болничките кревети се веќе исполнети !!!

spot_imgspot_imgspot_imgspot_img
spot_img

Во време кога имаме нов бран на коронавирусот, кога се полнат болниците и расте бројот на заразени, ВМРО-ДПМНЕ како и секогаш одмага, или нема став или е спротивен на интересите на државата и на граѓаните, соопштуваат од владејачкиот СДСМ.

<

Во продолжение комплетното соопштение од Бихаќска:

Од почетокот на коронакризата во земјата, од ВМРО-ДПМНЕ не видовме ништо друго освен неконструктивно делување, опструкции и критики, но сега со одолговлекување на донесувањето на измените на Законот за заштита на населението од заразни болести, а со тоа и новите мерки за превенција од понатамошното ширење на коронавирусот, опозицијата го покажа и своето нехумано лице и за дневно-политички поени, на коцка го става здравјето на сите граѓани.

Во време кога имаме нов бран на коронавирусот, кога се полнат болниците и расте бројот на заразени, ВМРО-ДПМНЕ како и секогаш одмага, или нема став или е спротивен на интересите на државата и на граѓаните.

Колку се неодговорни и несериозни покажуваат со тоа што во Собранието побараа одлагање на точката за измена на Законот за заштита на населението од заразни болести за да се вметнат нивни предлози, и наместо тоа на крај да предложат сосема друго, формирање на паралелна специјална комисија за справување со ковид 19 па дури и формираа нивна комисија внатре во партијата.

Нивното барање за формирање на специјална Комисија е уште едно во низата деструктивни дејствувања на опозициската партија. Комисијата за заразни болести е составена од стручни, докажани професионалци во здравството и нема никаква потреба од формирање нова, паралелна комисија.

ВМРО-ДПМНЕ едноставно не знае што прави, за 24 часа, три пати го смени ставот, со вакво ВМРО-ДПМНЕ не може да се постигне договор за ништо.

Меѓу деструктивните потези на ВМРО-ДПМНЕ, особено се издвојува тоа што заменичката министерка за финансии во техничката влада не го потпиша заемот од Светска Банка, наменет за поддршка на здравствениот систем и подготовка на дополнителни болнички капацитети за есенскиот бран, со кој се соочуваме сега.

Со тоа опозицијата практично го запре процесот за спроведување на проектот за брзо дејствување против последиците од кризата предизвикана од коронавирусот.

Прагот на толеранција во однос на политизирањето на процесите за справување со коронавирусот е надминат, не само во рамките на парламентот туку и кај граѓаните.

Да не бараа одлагање веќе ќе беа донесени измените на законот и мерките за заштита од коронавирусот.

СДСМ уште еднаш повикува на разум и одговорност, јавното здравје е над партиските интереси.

Коронавирусот нема да застане и да чека ВМРО-ДПМНЕ да игра политички игри и да го доведува во опасност јавното здравје, мерките мора да се донесат во најкус можен рок.

Се работи за здравјето на сите граѓани!

Центар за односи со јавноста на СДСМ

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Почина Јошка Броз, внукот на Јосип Броз Тито

Јосип Јошка Броз, внук на поранешниот претседател на СФРЈ, Јосип Броз Тито, почина на 78-годишна возраст. Тој беше член на Главниот одбор на Социјалистичката...

Панче: Најдобрите студенти ќе се запослат во МВР.

Министерот за внатрешни работи Панче Тошковски денеска се обрати на одбележување на 50 години од формирањето и дејствувањето на Институтот за безбедност, одбрана и...

Превентивни активности на СВР Охрид.

Превентивни активности на СВР Охрид СВР Охрид во соработка со општинскиот Совет за превенција на детско престапништво, и секторот за комунални дејности, сообраќај и улици...

Мајката на исчезнатата Марија Брзакова по која се трага од 2020 г. ја кажа вистината за нејзината ќерка по повеќе од 5 години

Мајката на исчезнатата Марија за „Фокус“:   Марија Брзакова, родена на 5-ти април 1991 година, исчезната на 18-ти јануари 2020 година во село Босилово, Струмица. Тоа...